1. janrın ən böyüklərindən olan amerikan metalcore qrupu.
Qrupun əsası 1999-cu ildə massaçusetsdə gitarist Adam Dutkiewicz və bassist mike d’antonio tərəfindən qoyulub. Qrupun ilk albomu isə 2000-ci ildə yayımlanan “killswitch engage” adlı self-titled, yəni qrupun öz adını daşıyan albomdur.
Qrupa əsas şöhrət gətirən ilk iş isə 2002-ci ildə yayımlanan alive or just breathing albomudur. Bu albomdan sonra qrupun ilk vokalisti olan jesse leach, tez-tez səhnəyə çıxmaqdan çox yorulduğu üçün fasilə vermək qərarına gəlir və qrupdan ayrılır. Onun yerinə isə qrupun digər əfsanəvi vokalisti howard jones gəlir.
2004-cü ildə jones-un iştirak etdiyi ilk albom olan the end of heartache yayımlanır. Albomdakı mahnılar əsasən sevgi mövzusunda olub, balanslı brutal və clean vokal keçidləri ilə zəngindir. Jones-un vokal istedadı da alboma ayrı rəng qatır. Bir çox insan tərəfindən ən yaxşı kse albomu hesab olunur.
2006-cı ildə növbəti albom as daylight dies işıq üzü görür. Bu albomdakı maraqlı detal, mahnılarda gitara sololarının olmamasıdır. Teoh qədər olmasa da, özlüyündə keyfiyyətli albomdur. Həmçinin, bonus mahnılar arasında ən az orijinalı qədər gözəl alınmış bir holy diver cover-i də yer alır.
2009-cu ildə qrupun 2-ci self-titled albomu çıxır. Bəli, hər nə qədər qəribə səslənsə də, qrupun 2 ədəd kse adlı albomu var. Bu, jones-un yer aldığı son albomdur.
2012-ci ildə howard jones qrupdan ayrılır və jesse leach geri qayıdır. Qrup, jesse ilə birlikdə 2013-cü ildə disarm the descent və 2016-cı ildə incarnate albomlarını yayımlayır. Bu albomlarda jesse-nin vokalını necə təkmilləşdirdiyi göz qabağındadır.
Növbəti albom atonement, 2019-cu ildə işıq üzü görür. Albomdakı the signal fire adlı mahnıda howard jones və jesse leach duet edir. the crownless king adlı parçada isə testament-dən chuck billy yer alır.
2024-cü ildə qrup forever aligned adlı single-ı klipi ilə birlikdə təqdim edir. Qrupun ən yeni albomu olan this consequence, 2025-ci ildə yayımlanır.
Killswitch engage, metalcore janrına böyük ölçüdə sadiq qalaraq bu günlərə çatmış bir qrupdur. Bu da qrupu janrın ən uğurlu təmsilçilərindən biri edir.
Bəzən metallica vs megadeth mübahisəsinə bənzər bir şəkildə leach vs jones mübahisəsi aparılır. Ancaq hər ikisi də özlüyündə güclü və istedadlı ifaçılardır. Leach brutal vokalda daha güclü ikən, jones həm brutal, həm də clean vokalda daha çox önə çıxır.
Qrupun hazırki heyəti belədir:
Jesse leach - vokal
Adam dutkiewicz - lead gitara/back vokal
Joel stroetzel - ritm gitara
Mike D’antonio - bass gitara
Justin foley - drums